♥دنيای شيرين من♥
هوشته مره پلای سر گنه تن نگار انه درانه دساپا هاکن، بور همه ره صدا هاکن تشت بور لگن بیار طبل و دسر کتن بیار دهره بیار گلن بزن گو ره بور همن دون لمتکا و متکا بیار، کاسه و پیلکا بیار زهره انه روجا انه نقره انه طلا انه لینگ نشون گنه انه، دسا دهون گنه انه اسپه میها ره بو نرو وارش و وا ره بو نرو حجله نشین هلی ره بو ممرز و ولولی ره بو غرصه نخر صوا انه روز دهون الا انه یار نئو خدا انه دلبر غرصه خوار انه چله شونه هوا شونه ورف شونه میها شونه سبزه پرس چمن پرس دره پرس همن پرس زردکلا کئی انه سرخ تتی ائی انه تازه پچا پچا ره بو ترنه ونوشه ها ره بو درد انه دوا انه عشق انه جفا انه ظلم دره ستم دره محبت دم به دم دره لاله همن همن انه، سنبل و یاسمن انه حافظ خوش سخن گنه عمر دراز ره بخواه این همه ره فنا بوین همه ره نابجا بوین حجت دل دماغ دور باته امیدوار باش
نظرات شما عزیزان:
چکه بزن سما هاکن سرزده با وقار انه
دشمن ور کفن بیار بورده پار و پرار انه
خارک پیراهن دکن یار سمن سوار انه
بزکله جونکا بیار مظهر کردگار انه
خنده انه صفا انه جلوه شام تار انه
دور زمون گنه انه بلبل بی قرار انه
سرد هوا ره بو نرو چرده دوسه دار انه
پج بدا انجلی ره بو ککی و ککی مار انه
چکه شونه سما شونه یار تن کنار انه
مرده در کفن پرس چله سر بهار انه
ورف دهون هئی انه باغ انه نپار انه
پهلم و گندیما ره بو سوزی سبزه زار انه
برمه و ونگ وا انه غرصه بیشمار انه
غم دره گاه کم دره گاه هزار هزار انه
قاصدک چمن انه، سرخ تتی انار انه
راسه نمیر بهار انه، کمبزه با خیار انه
جای همه خدا بوین عشقه که پایدار انه
عمر ننه زمون ننه گردش روزگار انه
яima |